భార్య సమాధి వద్ద సినీనటుడు మోహన్‌బాబు పూజలు

ప్రముఖ సినీ నటుడు మోహన్‌బాబు గురువారం తన కుటుంబ సభ్యులతో కలసి నాయుడుపేటలో ఆయన మొదటి భార్య విద్యావతి సమాధి వద్ద పూజలు నిర్వహించారు. స్థానిక రాజగోపాలపురంలోని దివంగతనేత వెంకటప్పనాయుడు పెద్దకుమార్తె విద్యావతి ప్రముఖ సినీనటుడు మోహన్‌బాబు మొదటి భార్య. ఆమె కొన్ని సంవత్సరాల క్రితం అనారోగ్యంతో మృతి చెందింది. స్థానిక అమరా గార్డెన్‌లో వారి వ్యవసాయ పొలాల్లో ఆమె సమాధి ఏర్పాటు చేశారు. ప్రతి సంవత్సరం మోహన్‌బాబు ప్రత్యేకంగా వచ్చి అక్కడ పూజలు నిర్వహిస్తారు. గురువారం మోహన్‌బాబు, సతీమణి నిర్మలమ్మ, పెద్దకుమారుడు విష్ణువర్ధన్ బాబు, కుమార్తె లక్ష్మీప్రసన్నలతో కలసి సమాధి వద్ద ప్రత్యేకంగా పూజలు నిర్వహించారు. ఈసందర్భంగా విలేఖర్ల ఆయనతో మాట్లాడేందుకు ఫోటోలు తీసేందుకు ప్రయత్నించగా ఆయన నిరాకరించారు.